當顧客購買眼鏡時，通常都會問我哋加埋防藍光係唔係好啲？等我喺呢度又簡單咁講解一下防藍光嘅作用。
喺現代嘅生活環境之中，我哋通常會對住電腦、電視、手機一段好長嘅時間。呢啲電子用品都會發出大量嘅藍光，但係其實藍光唔會影響或破壞你嘅視力。
其實太陽係發出最多藍光，LED燈膽也會發出藍光。藍光會影響你身體自然起身和睡覺的周期。簡單啲講，吸收藍光可能會令你嘅身體認為係朝頭早，如果晚上不停看手機、睇電視或對住個電腦，可能會難以入睡。如果你晚上無瞓唔到覺嘅問題，咁就唔需要加防藍光啦！
咁點解望住個mon太耐隻眼會唔舒服？
多數係因為當你望住個mon嘅時候，你嘅眨眼次數量比平時少，令你眼乾及眼睛疲勞。
保護眼睛免受眼睛疲勞的最佳方法是使用“20-20-20”規則定期休息：每 20 分鐘，將眼睛轉移到至少 20 尺遠的物體上至少 20 秒。 當眼睛感覺乾燥時，您也可以使用人工淚水。
如果有任何問題，都可以聯絡或留言給我們。我哋好樂意解決你嘅眼睛問題。
Comments